678. 光--ê、暗--ê、佮厚塗粉--ê ft. 阿錕 (20221130)

<p>這張彩色夜景有 4 粒月娘闊，是一个厚天星 ê 星雲。伊佇銀河盤頂懸附近，北天 ê 皇家星座 仙王座 遐。相片中央是發紅光 ê 發射區 Sharpless 155 (Sh 155)，嘛叫做 洞窟星雲。伊就佇 2400 光年遠 ê 大質量分子雲區邊仔附近。這个宇宙洞窟 ê 氣體壁有 10 光年闊，去予邊仔高溫少年恆星 ê 紫外光 kā 電離去。像正爿 ê vdB 155，是一个厚塗粉 ê 反射星雲，伊佮實密閘光 ê 雲，佇這張星際畫布頂懸是滿四界。天文 研究 已經知影其他 恆星形成活動會產生戲劇性 ê 信號，包括 咧發紅光 ê Herbig-Haro 168 (HH 168)。中央正爿下跤--ê，是 Herbig-Haro 天體，伊 ê 發射源是 新形成 ê 恆星 噴出來 ê 高能噴流。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20221130/ <br />影像：Anthony Quintile <br />音樂：P!SCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap221130.html</p> <br /> <br/>Powered by <a href="https://firstory.me">Firstory Hosting</a>