598. Kah 湖做伴 ê 銀河 ft. 阿錕 (20220910)

<p>這个 180 度 ê 夜空全景圖，是 tī 八月 ê 寒天暗暝翕--ê。咱 ê 銀河系 就 tī 地平線面頂，成做一个彎弓橋。Tī 半暝左右，銀河中心會行到「天頂點」附近。前景是清氣 ê Traful 湖，就 tī 南美洲 阿根廷 Neuquen 市遐。黃道光 是 太陽系黃道面 面頂 ê 塗粉，去予日光反射 ê 光。咱會當 tī 烏-mih-mà ê 所在，看著這个黃道光。這條 tī 天頂較暗 ê 黃道光，ùi 遠方 ê 雪山山尖，迵 tùi 銀河 ê 中心去。綴銀河 ê 彎弓橋行，一直向倒爿去，咱就會當揣著南半球 ê 恆星標誌，半人馬座 α kah 半人馬座 β。Tī 地平線附近，反射平靜山湖、較光 ê 彼粒星，是織女星。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20220910/ <br />影像：Gerardo Ferrarino <br />音樂：P!SCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap220910.html</p> <br /> <br/>Powered by <a href="https://firstory.me">Firstory Hosting</a>