583. IC 5146：娘仔殼星雲 ft. 阿錕 (20220827)

<p>娘仔殼星雲內底有新 ê 星團。這个美麗 ê 星雲編做 IC 5146，差不多有 15 光年闊。這个 4000 光年遠 ê 天鵝座 tī 北天夏季夜空 peh 甲懸懸懸。伊遮爾出眾，就 kah 其他恆星形成區仝款。紅光是 水素氣體 去予少年高溫 ê 恆星激發--ê。目睭看袂著 ê 分子雲 邊仔，有 反射塗粉&nbsp;ê 星光。實際上，星雲中心彼寡較光 ê 恆星干焦幾若十萬歲爾爾。伊會予星雲能量去發光，嘛會 kā 分子雲閬空內底，形成恆星 ê 塗粉 kah 氣體 掃清氣。這張相片是 tiàm 加拿大 Ontario 省 Ayr 鎮 用細台望遠鏡開 29 點鐘久 ê 時間感光--ê。所以咱會當 tī 這个美麗厚塗粉 ê 恆星托兒所 邊仔，翕著 深空 ê 彩色景色。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20220827/ <br />影像：David Jenkins <br />音樂：P!SCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap220827.html</p> <br /> <br/>Powered by <a href="https://firstory.me">Firstory Hosting</a>