569. 小精靈星雲 ê 塗粉雲 ft. 阿錕 (20220810)

<p>恆星是 ùi 實密烏暗 ê 分子雲 內底生出來--ê。毋閣紲落來，恆星會 kā 這寡分子雲，變做巨大閣複雜 ê 塗粉雕塑。恆星提來雕塑分子雲 ê 家私，是 高能光 kah 高速 恆星風。這寡產生 ê 熱量，會 kā 烏暗分子 塗粉 雲蒸發，嘛會造成四箍圍仔 ê 水素 氣體四散閣發紅 光。這張相片 內底是一个欲完成 ê 新開放星團，叫做 IC 1590。伊就 tī 發射星雲 NGC 281 內底 複雜 ê 星際塗粉結構 邊仔。根據 NGC 281 ê 外形，伊閣有一个名，就叫做 小精靈 星雲。倒爿頂懸 ê 塗粉雲去予分類做 Bok 雲球，這是因為伊未來可能會發生 重力崩塌 形成新恆星。小精靈星雲離咱有 1 萬 光年 遠，就 chhāi tī 仙后座 ê 方向遐。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20220810/ <br />影像：Douglas J. Struble (Future World Media) <br />音樂：P!SCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap220810.html</p> <br /> <br/>Powered by <a href="https://firstory.me">Firstory Hosting</a>