559. SOFIA 翕著 ê 南極極光 ft. 阿錕 (20220729)

<p>SOFIA 是 平流層紅外線天文台，是 ùi 一台波音 747SP 飛龍機改--ê。內底有囥一台 大台 ê 反射式望遠鏡，欲飛到平流層去 lih。地表 ê 大氣層 kā 99 葩 ê 紅外線攏擋 tī 外太空。這台飛龍機有通載觀測設備，peh 到地球大氣層頂懸，予研究者會當 ùi 地球任何所在做觀測。Tī 7 月 17 ê 科學任務 內底，天文台飛入去到南極 ê 極光區。紐西蘭 Otago 博物館館長，嘛是天文學家 Ian Griffin，tī 天文台面對南方 ê 時陣，ùi 右舷 翕著這个景色。老人星 tī 南方暗暝 ê 南極極光 kha-tián 頂懸，閃閃爍爍。天文台這擺 飛到 紐西蘭 ê 上南爿，差不多是南緯 62 度 ê 所在。是講真不幸，等伊停踮教堂 ê 時陣，天氣煞變甲足害--ê，SOFIA 煞去予創歹去，愛修理。所以本底 tī 南半球 ê 一寡任務只好取消矣！ <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20220729/ <br />影像：Ian Griffin (Otago Museum) <br />音樂：P!SCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap220729.html</p> <br /> <br/>Powered by <a href="https://firstory.me">Firstory Hosting</a>