474. 埃及金字塔 kah 天頂 ê 行星 ft. 阿錕 (20220504)

<p>咱這馬透早，猶看會著行星連珠。木星、金星、火星、kah 土星，ùi 四月中開始到今，會 tī 透早踮天頂排做一逝，這是規世界攏看會著 ê 景色。這張相片 有翕著天頂幾若粒行星，是頂個月 tī UNESCO 聯合國教科文組織 世界遺產 ê 現場，Djoser 樓梯金字塔 翕 ê。這个金字塔 tī 埃及 ê Saqqara 大墓地，是 西元前 27 世紀起--ê。伊是目前為止咱所知影 上老 ê 金字塔。這是兩張相片合成 ê，前景是日落進前 ê 藍色時間 翕 ê，背景是踮仝一位，毋閣是隔轉工 ê 透早翕 ê。是講，早起時 ê 行星連珠，其實是 沓沓仔咧改變。頂個月底，木星 kah 金星換位 矣。這個月底，木星 kah 火星嘛會換位，兩粒行星 ê 角距離會 比 1 度閣較近。這張媠甲親像一幅圖 ê 行星連珠，只是巧合爾爾。Tī in ê 世界內底，猶是繼續踅 太陽 咧行，就 kah 過去幾若十億冬仝款。這是比這个 古早時代起--ê Djoser 金字塔，閣較早就有 ê 代誌。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20220504/ <br />影像：Osama Fatehi <br />音樂：P!SCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap220504.html</p> <br /> <br/>Powered by <a href="https://firstory.me">Firstory Hosting</a>