460. N11：LMC 內底的恆星雲 ft. 阿錕 (20220412)

<p>佇 本地星系群 內底，這个上大上媠 ê 恆星形成區，是去予大質量恆星、磨蝕風、厚-tut-tut ê 塗粉、kah 高能光 kā 雕出來 ê。這个恆星形成區叫做 N11，咱會當佇 大麥哲倫星雲 (LMC) ê 正爿頂懸 揣著伊。LMC 是 銀河 ê 厝邊，銀河是 LMC ê 母星系。是講，銀河是逐家足愛翕 ê 目標。這幅圖 是為著欲做研究翕 ê，所以本底是用 Hubble 太空望遠鏡翕 ê，落尾才閣 為著藝術性重新處理過。頂懸彼區叫做 NGC 1763，毋閣這規个 N11 發射星雲是 LMC 內底第二大 ê，上大 ê 是 蜘蛛星雲。咱嘛會當 tī 這幅圖內底，看著實櫼 ê 烏暗塗粉球 內底有拄做出來 ê 少年恆星。最近一寡利用 Hubble 資料 tùi LMC 內底 ê 變星做 ê 研究，會當幫贊咱 重新校正 咱觀測會著的宇宙 ê 距離尺度。毋閣這个結果，佮用四界攏是 ê 宇宙微波背景 算出來 ê 尺度，有小可仔無仝。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20220412/ <br />影像來源：NASA, ESA <br />資料處理：Josh Lake <br />音樂：高小糕 GaoXiaoGao <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap220412.html</p> <br /> <br/>Powered by <a href="https://firstory.me">Firstory Hosting</a>