458. Niú-iok ê 橋 kah 天頂 ê 行星連珠 ft. 阿錕 (20220420)

<p>你若是比日頭閣較早 peh--起來，按呢你應該會當看著這个趣味 ê 天景。有四粒行星 排做一逝，tùi 西爿地平線 ê 方向去。這寡行星實在是有夠光 ê。就算是市內 ê 光害 遮爾嚴重，猶是看會著。這張相片是 tī 美國 Niú-iok 市翕 ê，頭前彼个地標是 RFK (Triborough) 橋。這寡行星 ùi 倒爿到正爿是：木星、金星、火星、kah 土星。行星 tī 天頂 排做一逝，這是因為 in 攏 tī 仝一个 盤面 踅 太陽 leh 行。這个盤面就叫做 黃道面，是 太陽系 早期形成 ê，面頂有所有 ê 行星，嘛包括 地球。這个早起時 ê 四星連珠 現象，會 tī 四、五月一直看著。到六月 ê 時陣，水星 嘛會加入，變做五星連珠。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20220420/ <br />影像：Stan Honda <br />音樂：P!SCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap220420.html</p> <br /> <br/>Powered by <a href="https://firstory.me">Firstory Hosting</a>