413. 咱附近 ê 捲螺仔星系 NGC 4945 ft. 阿錕 (20220226)

<p>這是 大捲螺仔星系 NGC 4945 ê 特寫，這个宇宙星系是一个 側向 星系，kah 咱 ê 銀河系 是差不多大。Tī 這張彩色 ê 望遠鏡影像內底，咱會當清楚看著 NGC 4945 有厚塗粉 ê 星系盤，少年 ê 藍色星系團，kah 粉紅仔色 ê 恆星形成區。NGC 4945 tī 南天 ê 大 星座 半人馬座 ê 方向，離咱差不多 1300 萬 光年遠 ê 所在，按呢差不多是咱到 仙女座星系 距離 ê 6 倍遠。仙女座星系是離咱銀河系上近 ê 星系。咱若是用光學望遠鏡來 kā 看，NGC 4945 ê 星系中心區實在是看無。毋閣 X-光 kah 紅外線 觀測表示，伊 ê 核心區 有 足明顯 ê 高能發射 kah 恆星形成活動。這粒藏 tī 星系中心、活動力足強 ê 核心，予這个華麗 ê 島宇宙成做一个 Seyfert 星系。Seyfert 星系 ê 中心，其實有一粒 超大質量烏洞。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20220226/ <br />影像：Dietmar Hager, Eric Benson <br />音樂：P!SCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap220226.html</p> <br /> <br/>Powered by <a href="https://firstory.me">Firstory Hosting</a>