405. 毅力號 tī 火星 ê 第 354 工 火星日 ft. 阿錕 (20220225)

<p>這張相片是 甲車平大台 ê 毅力號 探測車 面頂 ê Navcam 翕 ê 拼鬥影像。看會出來這張是 ùi 探測車 ê 甲板 面頂翕 ê，翕 ê 是火星 Jezero 隕石坑。這張拼鬥影像是 tī 火星任務 第 354 工火星日翕 ê。Tùi 地球人來講，毅力號降落 tī 火星 已經一年矣，差不多是地球時間 ê 2022 年 2 月 17。這台探測車 ê 質量是 1000 公斤，伊有 6 輪，是登陸火星 ê 探測車內底上重 ê。毅力號頭一年 ê 探索，已經收集 6 塊 岩心標本，以後才會提轉來地球。伊嘛是 獨創號 ê 基地，彼是火星面頂頭一台直升機。探測車閣用伊面頂 ê MOXIE（火星酸素原位資源利用實驗儀）對 這粒紅色行星 薄薄 ê 大氣 做實驗。Kā 伊內底 厚-tut-tut ê 二酸化碳素 變做 酸素。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20220225/ <br />影像提供：NASA, JPL-Caltech <br />資料處理：Kenneth Kremer <br />音樂：P!SCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap220225.html</p> <br /> <br/>Powered by <a href="https://firstory.me">Firstory Hosting</a>