367. 影片：Leonard 彗星 ê 一點鐘 ft. 阿錕 (20220125)

<p>Leonard 彗星是欲去佗位？若是 ùi 彗尾來看，有人可能會想講 Leonard 彗星 欲飛去正爿下跤。毋閣較完整 ê 3D 分析講，伊其實是 直直離開 kha-mé-lah ê 方向。所以 ùi 這个角度來講，塗粉尾溜 其實是拖到 kha-mé-lah 這爿向，干焦有法度 tī 彗星頭附近看著較短 ê 黃白光。藍色 ê 離子尾溜，是 太陽風 kā 離子歕離開 太陽 ê 方向，in to̍h 順順仔 tùi 太陽磁力線 ê 方向行。是講太陽磁場實在是有夠複雜 ê，有當時仔 太陽磁力線會重連，按呢會 kā 彗星 ê 離子尾溜斷做幾若丸。這支一點鐘久 ê 縮時攝影影片，是舊年 12月 ê 時陣 tī 泰國 翕 ê。你會當 tī 這支影片內底看著其中一丸。Leonard 彗星 已經離 咱太陽系 愈來愈遠矣，這馬是愈來愈暗矣。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20220125/ <br />影片提供 kah 版權：Matipon Tangmatitham (NARIT) <br />文字：Matipon Tangmatitham <br />音樂：P!SCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap220125.html <br /> <br/>Powered by <a href="https://firstory.me">Firstory Hosting</a></p>