327. 天頂 ê Leonard 彗星 ft. 阿錕 (20211215)

<p>Leonard 彗星 tī 天頂看起來是按怎？今仔日 ê 相片是 中國 ê 起源太空公司 ê 仰望一號 太空望遠鏡 翕 ê。伊毋若翕著 足光 ê 彗星，嘛翕幾若个 太空現象。這是用光學 kah 紫外線 波段翕 ê 彗星 C/2021 A1 (Leonard 彗星)。你會當 tī 相片中央看著 5 工前開始 to̍h 出現 ê 長長 ê 尾溜。地球 to̍h tī 正爿下底遐，伊 ê 大氣層 發出 ê 光是 ùi 倒爿下底到正爿頂懸。遠方有足濟天星，毋閣 tī 倒爿頂懸遐看會著有 兩條衛星軌跡。正爿下跤到倒爿頂懸 較暗 ê 光帶是 極光。這張相片閣有翕著 流星 ê 軌跡，to̍h tī 大氣層 氣輝 遐。你若是想欲 tī 煞落來幾若工 tī 地球 看著 Leonard 彗星，你 to̍h 愛 tī 日頭落山了後、抑是日頭出來進前，向西爿 ê 地平線看才看會著。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20211215/ <br />影像：Zhuoxiao Wang, Yangwang-1 Space Telescope, Origin.Space <br />音樂：PiSCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap211215.html <br /> <br/>Powered by <a href="https://firstory.me">Firstory Hosting</a></p>