288. 青色爍光 ê 影片 ft. 阿錕 (20211110)

<p>逐家攏叫是講，這是一个 神話。嘛有一寡人想講這是真 ê，毋閣毋知影這个現象是按怎來 ê。探險家若是看--著，是會 感覺足驕傲 ê。這其實是 ùi 太陽來 ê 青色爍光。青色爍光 確實是真 ê，咱嘛知影這个爍光是按怎來 ê。日頭 落去到完全消失進前，會 tī 上尾爍一擺足強 ê 青光。毋閣這款現象干焦會 tī 足低、足遠 ê 地平線出現一目𥍉。青色爍光 嘛有法度 tī 日出 彼陣看著，毋閣愛有閣較好 ê 時機才看有。這个 青色爍光 ê 影片是頂個月 tī 意大利 Tuscany ê Ligurian 海邊仔 日頭欲落海 ê 時陣翕著 ê。第二段 影片 ê 青色爍光 是正常速度，第一段影片是加速版，第三段影片是 慢速版。太陽 袂變做青色 ê，這是 地球大氣層 ê 稜鏡 效應造成 ê。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20211110/ <br />影片提供 kah 版權：Paolo Lazzarotti <br />音樂：PiSCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap211110.html <br /> <br/>Powered by <a href="https://firstory.me">Firstory Hosting</a></p>