273. 迵 tùi 銀河中心 ê 路 ft. 阿錕 (20211025)

<p>這條迵 tùi 咱銀河中心 ê 路敢會迵過 紀念碑谷？無一定愛！毋閣若是會，to̍h kā 翕--一張啊。這張相片內底 ê 這條路是 美國 163 號高速公路，Navajo 國家 保護區 ê 山形 to̍h 出現 tī 地平線面頂。銀河系 ê 光帶 ùi 天頂延伸落來，拄仔好 kah 地面上 ê 路 相迵。塗粉雲絲 kā 銀河 閘暗去，毋閣天頂猶閣有幾若十億粒天星、幾若款色光 ê 雲，嘛包括 內海仔星雲 kah 三叉星雲。這張組合相片是用仝一台 kha-mé-lah tī 美國 猶他州 ê Forest Gump Point 翕 ê。前景是 9 月日頭落山了後 ê 藍色時間 翕 ê，背景是 kā 幾若點鐘了後翕 ê 4 張相片拼做一張 ê。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20211025/ <br />影像：Michael Abramyan <br />音樂：PiSCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap211025.html <br /> <br/>Powered by <a href="https://firstory.me">Firstory Hosting</a></p>