246. 氣波星雲 kah 星團 ft. 阿錕 (20210925)

<p>正爿 ê 氣波星雲 to̍h chhāi tī 開放星團 M52 中央，這个宇宙組合 看--起來實在是拄拄仔好。毋閣這个組合 tī 其他方面 to̍h <br />毋是蓋好。氣波星雲 嘛叫做 NGC 7635，干焦 10 光年闊爾爾。伊藏 tī 星際塗粉 kah 氣體 ê 複合體內底，是去予孤粒 O 型恆星 ê <br />恆星風歕--出來 ê。另外一方面，M52 是 一个厚恆星 ê 開放星團，內底有幾若千粒恆星。這个星團差不多有 25 光年闊。In tī 仙后座 ê <br />北爿邊界。氣波星雲 kah 伊邊仔 ê 星雲複合體 ê 距離，照估算差不多是 11,000 光年遠。毋閣 星團 M52 是干焦 5000 <br />光年遠爾爾。這幅闊幅望遠鏡視野 tī 天頂差不多是 1.5 度闊，按呢差不多是 3 粒月娘 ê 闊度。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20210925/ <br />影像：Lorand Fenyes <br />音樂：PiSCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap210925.html <br /> <br/>Powered by <a href="https://firstory.me">Firstory Hosting</a></p>