245. 影片：木星 ê 爍光 ft. 阿錕 (20210917)

<p>Tī 木星出現爍光矣！幾若工前，幾若个團隊 leh 監看太陽系 上大粒行星 ê 時陣，注意著 2 秒鐘長 ê 光爆現象。這款爍光 以前嘛捌看過，是 1994 <br />年彼改足有名 ê 連紲 相碰。彼改 ê 彗星 Shoemaker-Levy 9 號 ê 彗星屑仔 去碰著木星了後，煞 tī 木星留幾若個月 ê 烏斑。木星 上無 <br />有 7 改去 hŏng 碰著 ê 記錄，差不多攏是 業餘天文學家 發現 ê。Tī 這支影片 內底，因為地球大氣層無穩定，煞予木星影像嘛 <br />爍咧爍咧。忽然間，有一个爍光出現 tī 中央倒爿遐。土衛 Io kah 伊 ê 烏影 tī 正爿 看會著。咱可能 無法度知影 是啥物去挵著 木星。毋閣若是 ùi <br />咱已經知影 ê 厝邊 太陽系 來想，to̍h 應該知影彼可能是一塊岩石敆冰。伊 ê 寸尺 可能 kah 巴士平大台，應該是 ùi 足久以前經過 ê 彗星 抑是 <br />小行星 落 loài ê。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20210917/ <br />影像：T. Humbert, S. Barré, A. Desmougin & D. Walliang (Société Lorraine <br />d’Astronomie) <br />音樂：PiSCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap210917.html <br /> <br/>Powered by <a href="https://firstory.me">Firstory Hosting</a></p>