244. M16 ê 特寫 ft. 阿錕 (20210909)

<p>M16 嘛 叫做鴟鴞星雲，是一个干焦 2 百萬歲 ê 少年星團，邊仔去予塗粉 kah 發光氣體 ê 新生雲 圍--leh。這區美麗 ê 詳細影像 是採用哈伯色盤 <br />ê 色光。這个 宇宙雕塑，是因為有哈伯太空望遠鏡 tùi 這个恆星形成複合體特寫，才變有名 ê。In 去予叫做 象管 抑是 創生之柱。Ùi 中央生出來 ê 密密 <br />koh 厚塗粉 ê 雲柱，有幾若光年長。In 會因為重力收縮 形成恆星。星團內底 ê 高能輻射 會侵蝕雲柱尾節 ê 物質。落尾會 kā 藏 tī 內底 ê <br />新恆星暴露出來。Ùi 中央倒爿較光 ê 發射雲脊延伸出來 ê，是另外一个厚塗粉 ê 恆星形成柱。伊 to̍h 叫做 鴟鴞星雲 ê 仙女。M16 tī 7000 <br />光年遠 ê 所在，tùi 雙筒望遠鏡 抑是 細台望遠鏡 來講是一个真好揣 ê 目標。In to̍h tī 分做頭尾兩爿 ê 巨蛇座 尾（蛇 ê 尾溜）方向，tī <br />天頂 厚星雲 ê 所在。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20210909/ <br />影像：Martin Pugh <br />音樂：PiSCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap210909.html <br /> <br/>Powered by <a href="https://firstory.me">Firstory Hosting</a></p>