236. Rosetta 任務 ê 彗星 ft. 阿錕 (20210910)

<p>這張望遠鏡影像內底 足暗 ê 彗星 67P，ùi 9 月 7 號開始掃過金牛座 ê 背景星 kah 閣較暗 ê 遠方星系。差不多 tī 5 年前，這粒 4 <br />公里闊 ê 雙丸彗核，變做是 ùi 地球送過去 ê 機器人太空船 上尾 ê 安息地。這是歷史有名 ê Rosetta 彗星任務收煞了後 ê 收尾任務。Tī <br />Rosetta 太空船踅木星 ê 任務收煞，離開木星軌道了後，67P 彗星 這馬轉來到 週期 6.4 年 ê 軌道。伊後一擺 ê 近日點（to̍h <br />是離太陽上近彼位），是 tī 11 月 2 號。11 月 12 是彗星 ê 近地點（to̍h 是離地球上近彼位），kah 地球 ê 距離差不多是 0.42 <br />天文單位。雖然講 11 月底到 12 月應該是彗星上光 ê 時陣，毋閣到時猶是愛用 望遠鏡 才看有。9 月 7 號 Rosetta 任務 ê 目標彗星，會 <br />離咱美麗 ê 地球 0.65 天文單位，差不多是 5.4 光分遠。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20210910/ <br />影像：Rolando Ligustri (CARA Project, CAST) <br />音樂：PiSCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap210910.html <br /> <br/>Powered by <a href="https://firstory.me">Firstory Hosting</a></p>