234. NGC 520：哈伯翕 ê 相碰星系 ft. 阿錕 (20210907)

<p>這是一个星系抑是兩个？遮爾濟 ê 恆星、氣體、kah 塗粉 tī NGC 520 攪攪做伙，予人認為講，這內底應該是摻著兩个無仝 ê 盤形星系 ê 殘骸。Ùi <br />哈伯太空望遠鏡 翕著 ê 詳細 影像 看起來，NGC 520 有一个決定性 ê 結構是，伊有 複雜交織 ê 塗粉帶，而且是坦敧 chhāi tī 相碰星系 ê <br />自轉軸方向閣繼續延伸落去。Kah 這欲相仝 ê 相碰，可能會 tī 幾若十億年了後，發生 tī 咱 ê 盤形 銀河系 kah 咱 ê 大型盤形厝邊星系 <br />仙女座星系 (M31) 之間 ê 相碰。NGC 520 ê 相碰應該是 tī 3 億年前。NGC 520 嘛叫做 Arp 157，tī 1 億 光年 遠 ê <br />所在，大細有 10 萬 光年 闊。你會當用細台望遠鏡 tī 魚仔 星座（雙魚座）ê 方向揣著。雖然講 NGC 520 內底 ê 恆星速度行 足緊 ê，毋閣 in <br />ê 距離傷遠，所以星系內底 leh 相戰 ê 兩爿，tī 咱猶在生 ê 時陣，無法度改變星系 ê 外形。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20210907/ <br />影像提供：NASA, ESA, Hubble <br />資料處理 kah 版權：William Ostling (The Astronomy Enthusiast) <br />音樂：PiSCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap210907.html <br /> <br/>Powered by <a href="https://firstory.me">Firstory Hosting</a></p>