233. 露西亞天頂 ê 銀河 kah 火金蛄 ft. 阿錕 (20210906)

<p>這張相 愛 ùi 松柏 開始看。這个構圖是欲翕一欉松柏 kah 背景 ê 銀河系 中央帶。這个 2 個月前想 ê 計畫有成功。In 攏出現 tī 上讚 ê <br />所在。毋閣 遮有 3 張全景圖 翕著閣較濟物件。多彩 ê 恆星、背景 ê 光點、閣看會著倒爿面頂 足光 ê 牛郎星。Tī 倒爿較遠 ê <br />所在，地平線面頂有翕著較近 ê 土星。正爿頂懸有翕著 tī 地球大氣層 面頂 踅地球 leh 行 ê 人造衛星。伊 ê 光巡是感光 25 秒鐘久 留--loài <br />ê。是講 地球 ê 大氣層 竟然 看會著，to̍h 是 迵過相片頂懸 ê 青色氣輝。路尾，拄仔好有翕著 火金蛄。毋知你敢有看著？火金蛄 to̍h tī <br />相片較下跤 ê 所在，tī 露西亞 Primorsky Krai 起起落落 ê 山坡 頭前 ê Milogradovka 河 面頂 leh 飛。In <br />爍咧爍咧發出黃光。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20210906/ <br />影像：Anton Komlev <br />音樂：PiSCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap210906.html <br /> <br/>Powered by <a href="https://firstory.me">Firstory Hosting</a></p>