231. 潛在威脅小行星 ê 軌道 ft. 阿錕 (20210829)

<p>小行星敢會危險？有一寡會。毋閣毋管是佗一年，大部份危險 ê 小行星挵著地球 ê 機會是足少 ê。過去因為有發生一寡 kah 小行星挵著地球有關 ê <br />生物大滅絕事件，這馬人類已經 kā 這當做是一件真重要 ê 代誌：揣出 未來會影響 地球性命 ê 小行星，kā 編做目錄。這張相片是 1000 粒 潛在威脅 <br />小行星 (PHAs) ê 軌道。這寡資料有記錄著 超過 140 公尺闊、離地球 750 萬公里近（差不多是地球到月球 ê 20 倍距離）、leh 滾踅 ê 巨型 <br />岩石 kah 冰角。雖罔講 tī 紲落來 100 年猶袂有小行星 挵著地球，毋閣 毋是所有 PHAs 攏有揣著。而且 tī 過去 100 <br />年，足濟軌道嘛變做足歹預測 ê。這款寸尺 ê 小行星若是 挵著地球，to̍h 會 引起足危險 ê chu-ná-mih。為著欲揣出救地球 ê 策略，NASA ê <br />雙小行星重新定向測驗 (DART) 太空船，按算欲 tī 今年發射。是講較細粒 ê 石頭 kah 冰角 逐工攏會挵著地球，毋閣 in <br />無啥物危險，有當時仔閣會產生 難忘 ê 火流星 kah 流星戲。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20210829/ <br />影像：NASA, JPL-Caltech <br />音樂：PiSCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap210829.html <br /> <br/>Powered by <a href="https://firstory.me">Firstory Hosting</a></p>