228. 隕石坑 Tycho kah Clavius ft. 蔡老師 (20210805)

<p>這張詳細 ê 望遠鏡影像，是月球南部彎彎曲曲 ê 高地。面頂是月球 ê 南部。這是 7 月 20 翕 ê。這張月景 ê 特色是，有少年 kah 老 ê 大隕石坑 <br />Tycho kah Clavius。Tycho 才差不多 1 億歲爾爾，伊是中央附近直徑 85 公里闊、有較尖 ê 坑仔墘 ê 隕石坑。隕石坑中央 2 公里懸 <br />ê 山頭，有一半去予太陽照予光，有一半 去予烏影閘去。這是衝擊事件造成 ê Tycho 隕石坑。伊噴--出來 ê 石屑仔，到今猶是會當予這个隕石坑 tī <br />十五暝彼陣，變甲遮爾 出眾。這是因為這个時陣會造成明顯 ê 輻射光巡系統，tī 月球向咱這爿，湠到規半爿。阿波羅 17 號 ê 降落地點，差不多離 Tycho <br />隕石坑 有 2000 公里遠。實際上，一寡 tī 遮收集 ê 標本，可能是 ùi Tycho 隕石坑來 ê。月球向咱這爿，有一个上老上大 ê 隕石坑 <br />Clavius。伊 ê 直徑是 225 公里闊，to̍h tī Tycho ê 正南爿（面頂）。Clavius 隕石坑 家己 ê 輻射系統，是 ùi 伊本底 ê <br />衝擊事件產生 ê，毋閣足久以前 to̍h 已經變無去矣。這个較老 ê 隕石坑，伊 ui--去 ê 坑仔墘 kah 光滑 ê 山跤，已經予較細 ê <br />隕石坑崁--去。這寡較細 ê 隕石坑，是 Clavius 隕石坑形成了後 ê 衝擊事件才產生 ê。紅外線平流層天文台 tī 2020 年發表 ê <br />觀測結果表示，伊 tī Clavius 隕石坑揣著水。是講少年 ê Tycho 隕石坑 kah 老 ê Clavius 隕石坑，攏是科幻史詩「2001 <br />太空漫遊」內底 ê 月球地點。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20210805/ <br />影像：Eduardo Schaberger Poupeau <br />音樂：PiSCO - 鼎鼎 <br />聲優：蔡老師 <br />翻譯：An-Li Tsai (NCU) <br />原文：https://apod.nasa.gov/apod/ap210805.html <br /> <br/>Powered by <a href="https://firstory.me">Firstory Hosting</a></p>