224. 獵鷹 9 號星雲 ft. 阿錕 (20210904)

<p>這毋是哈伯太空望遠鏡 最近翕 ê 遠方星系雲。這个發光 ê 氣體塗粉雲 tī 8 月 29 透早，予太空海岸 ê 觀星者目睭褫金金看甲。這張速翕 是透早 <br />3:17 tī Florida 州 Titusville ê 太空景色公園翕 ê。這是 SpaceX 獵鷹 9 號火箭發射 3 分鐘了後翕 ê。伊當 leh <br />執行 CRS-23 任務，這个任務主要是欲提供國際太空站補給。伊有翕著浮 tī 太空 ê 光煙 kah 廢氣。這是 ùi tī 夜空 peh-升、脫離 ê <br />第一節 kah 第二節火箭噴--出來 ê。下跤 ê 光點是第二節火箭，伊繼續 leh 踅 低地球軌道。面頂 ê 光點是火箭第一節，這馬當 leh <br />推捒燃燒。第一節火箭推捒轉來，嘛第一擺降落 tī 上新 ê 自主無人船，煞-loài 才閣駛去大西洋。這是一擺短短 ê 重力降落行動。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20210904/ <br />影像：Dennis Huff <br />音樂：PiSCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap210904.html <br /> <br/>Powered by <a href="https://firstory.me">Firstory Hosting</a></p>