220. 火星 ê 人面 ft. 阿錕 (20210704)

<p>雲 若是 城堡，敢袂感覺真趣味？房間內底 ê 椅仔面頂 洗好 ê 衫 若是 超級英雄，敢袂感覺真趣味？火星 面頂 ê 岩石 台地 若是人面 ê <br />行星間紀念碑，敢袂感覺真趣味？雲 實際上是浮 tī 天頂 ê 水滴 kah 冰滴。毋閣洗好 ê 衫，是棉仔、羊毛、抑是塑膠材料做 ê 衫。有名 ê <br />火星岩石台地，若是 ùi 閣較清楚 ê 影像 來 kā 看較詳細 leh，to̍h 會知影用「火星 ê 人面」來 kā 號名，實在是真自然 ê 代誌。毋閣 <br />真實世界敢 to̍h 會較無聊？無人知影是按怎 一寡雲會落雨。無人知影火星面底敢 捌發展性命。嘛無人知影是按怎房間內底 ê 椅仔面頂洗好 ê 衫 鼻起來敢若是 <br />sà-suh。所以講，科學 探索 毋若會當解答謎團，閣會當發展新 ê 智識、解答閣較大 ê 謎團，kah 解說閣較深 ê 疑問。To̍h 親像 人類探索 咱 ê <br />宇宙仝款，應該會真趣味。雖然講發現新世界 ê 工課 才拄仔開始。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20210704/ <br />影像：NASA, Viking 1 Orbiter <br />音樂：高小糕 GaoXiaoGao <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap210704.html <br /> <br/>Powered by <a href="https://firstory.me">Firstory Hosting</a></p>