217. 跳舞 ê 幽靈：活跳星系 ê 彎曲噴流 ft. 阿錕 (20210901)

<p>是按怎星系噴--出來 ê 噴流看起來敢若是幽靈？而且，是按怎 in 看起來敢若 leh 跳舞？這个 ùi 兩个主人 星系（中央頂懸 kah 倒爿下跤）中央 ê <br />超大質量烏洞 噴--出來 ê 虯毛虯毛 koh 蓬鬆蓬鬆 ê 噴流，以前毋捌看過。這是天文學家用 澳洲平方公里陣列探路者 (ASKAP) 電波望遠鏡 <br />追蹤星系演化 ê 時陣，ùi 產生 ê 影像資料發現 ê。Tī 處理 宇宙巡天計畫 ê 演化影像 進前，干焦看著 無定型 ê 光斑。落尾，kah 發射出來 ê <br />相對能量 比較了後，發現講，發光 ê 搝長結構是踅磁場線 ê 電子流。Kah 電波資料 疊 tī 光學影像（暗能量巡天計畫）面頂了後，確定講這个 電子 流是 <br />ùi 活跳星系 ê 中心 來 ê。一般來講，活跳星系核 (AGN) 應該是產生 直 ê 噴流。有一个主要 ê 假說是講，會產生這款異常優美 ê 外形，是 ùi <br />大尺度 星系間 ê 星際風 來 ê。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20210901/ <br />影像：Jayanne English & Ray Norris, EMU-ASKAP, DES <br />文稿：Jayanne English (U. Manitoba) <br />音樂：PiSCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap210901.html <br /> <br/>Powered by <a href="https://firstory.me">Firstory Hosting</a></p>