214. 三重凌木現象 kah 互食事件 ft. 阿錕 (20210821)

<p>這三張相片是 8 月 15 tī 菲律賓 Cebu 市翕 ê 太陽系 氣態巨行星，木星。Tī 這工，拄仔好望遠鏡看著 一寡精彩景色 ê <br />詳細狀況，是木星加利略衛星 ê 凌木現象。上面頂彼張，是 Io tī 上正爿去予木星 ê 烏影閘去。毋閣其他三粒大粒 ê 木衛出現 tī 木星 一條一條雲帶盤面 <br />ê 頭前。較光 ê Europa kah 較暗 ê Ganymede tī 較倚倒爿遐。In ê 烏影 to̍h 照 tī 氣態巨行星 ê <br />雲頂。Callisto tī 木星正爿下跤 ê 邊仔。三粒衛星 tī 木星表面產生這个三重凌木現象。中央彼張，Europa kah Ganymede ê 烏影 <br />tī 中央看會著。毋閣 Ganymede ùi Europa 頭前行過，kā 伊閘牢矣。下跤彼張，是凌木現象真罕得看著 ê 木衛食。Ganymede ê 烏影 <br />to̍h 落 tī Europa 面頂。Ùi 地球 ê 角度來看，加利略衛星會閘來閘去、食來食去。這款現象 6 年出現一改，差不多是 木星 tī 伊春分附近 ê <br />時陣 會當看著。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20210821/ <br />影像：Christopher Go <br />音樂：PiSCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap210821.html <br /> <br/>Powered by <a href="https://firstory.me">Firstory Hosting</a></p>