211. 環形星雲 ê 環 ft. 阿錕 (20210818)

<p>環形星系 (M57) 比你 ùi 細台望遠鏡看著 ê 閣較複雜。上明顯 ê 中央環 差不多有 1 光年 闊。毋閣這張 足長時間感光 ê 影像，是 ùi 三台無仝 <br />ê 大型望遠鏡影像資料組合--起來 ê，欲 探索 離 星雲 中央 ê 恆星足遠 ê 發光氣體 ê 環形雲絲。這个 組合影像 有 ùi 酸素發--出 ê <br />紅光，tī 可見光 kah 紅外線 攏有。這个環形星雲是搝長 ê 行星形星雲，是像 太陽 ê 恆星 tī 演化過程 kā 外層大氣擲--出去，落尾變做 <br />白矮星。這个 環形星雲 離咱 2500 光年遠，to̍h tī 音樂星座 天琴座 遐。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20210818/ <br />影像提供：Hubble, Large Binocular Telescope, Subaru Telescope <br />影像組合 kah 版權：Robert Gendler <br />音樂：PiSCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap210818.html <br /> <br/>Powered by <a href="https://firstory.me">Firstory Hosting</a></p>