207. 英仙座流星雨 ft. 阿錕 (20210815)

<p>彗星 ê 塗粉頂禮拜落 tī 地球。這个逐年攏有 ê 英仙座流星雨，kā 咱 ê 夜空劃幾若巡。這幅圖是 tī 英仙座流星 上濟彼暗，kā 幾若張踮仝一个所在翕 <br />ê 相片合成 ê。其實流星來 ê 時陣 無需要攑 雨傘，因為流星 tī 地球高層大氣 to̍h 已經 蒸發 了了矣。合成影像內底有足濟攏是 一張一張翕 ê <br />英仙座流星，毋閣前景這張是 tī 中國 甘肅省 酒泉市 附近翕 ê。背景有足濟恆星，咱 銀河 系 ê 中央帶嘛直直 chhāi tī 遐，木星 kah 土星 <br />to̍h tī 伊 ê 倒爿。雖然講 彗星 ê 塗粉粒 是互相 平行 leh 行，毋閣 流星雨 看起來敢若是 ùi 天頂仝一个點輻射出來 ê。這个 輻射點 <br />to̍h tī 英仙座。這幅圖 ê 視野搝遮爾長，天空 ê 彎曲度 嘛會使 ùi 仝名 ê 英仙座流星 ê 軌跡看--出來。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20210815/ <br />影像：Luo Hongyang <br />音樂：PiSCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap210815.html <br /> <br/>Powered by <a href="https://firstory.me">Firstory Hosting</a></p>