197. 南冕座 ê 恆星 kah 塗粉 ft. 阿錕 (20210806)

<p>這幅望遠鏡影像內底，宇宙塗粉罩 tī 有足濟恆星彼搭，to̍h tī 南冕座，澳洲王冠 ê 北方邊界附近。比 500 光年較近 ê 塗粉雲 kā 銀河 內底較遠 <br />ê 背景星 ê 光攏閘牢 矣。若是 ùi 雲估計 ê 距離來算，這幅圖面頂到下跤是 2 度闊，超過 15 光年長。正爿面頂是一陣 古錐 ê 反射星雲，編號是 <br />NGC 6726, 6727, 6729, kah IC 4812。有一个特別 ê 藍光是 ùi 足燒 ê 恆星 反射 宇宙塗粉來 ê。這个塗粉嘛 kā 這區 <br />猶咧形成 ê 恆星 閘牢咧。Tī 藍色發射星雲面頂，有一个較細 ê 天體 NGC 6729，to̍h 踅 tī 少年 變星，南冕座 R ê 邊仔。伊 ê <br />正爿是紅光 ê 弧 kah 環。這是 HH 天體，kah 高能、新誕生 ê 恆星有關。壯觀 ê 球形星團 NGC 6723 to̍h tī 這幅圖 ê <br />倒爿下跤。雖罔講 NGC 6723 是 這陣天體 ê 一部份，伊內底較老 ê 恆星是離咱 30000 光年遠，比 南冕座塗粉雲 內底 ê 少年恆星閣較遠。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20210806/ <br />影像：Vikas Chander <br />音樂：PiSCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap210806.html <br /> <br/>Powered by <a href="https://firstory.me">Firstory Hosting</a></p>