#193 土星光下 ê 土衛 Mimas ft. 阿錕 (20210730)

<p>土星光下 ê 土衛 Mimas <br />https://apod.tw/daily/20210730/ <br /> <br />有半爿面一直面對土星 ê 土衛 Mimas，to̍h ùi 烏影彼爿 kā 咱睨。伊 to̍h tī 差不多全烏 ê 世界內底，產生這个 戲劇性、反射太陽光 ê <br />月眉形影。這个拼鬥影像是 tī 2017 年 1 月 30，Cassini 太空船上尾一改 倚近伊 ê 時陣翕 ê。Cassini ê kha-mé-lah 囥 <br />tī 面對太陽 ê 方向，離 Mimas 干焦 45000 公里近 ê 所在。這是其中一个上懸解析度 ê 影像，是一个冷冰冰、隕石坑滿滿是、直徑 400 公里闊 <br />ê 衛星。有半爿一直面對土星，是因為伊 kah 土星同步自轉 ê 結果。有一个強化影像會當看著這半爿，是土星反射太陽 ê 光去照著 Mimas ê <br />影像。為著欲看著這个影像，你會當 tī 這張影像面頂徙動你 ê 滑鼠（抑是 點這个連結）。其他 Mimas ê Cassini 影像，閣有 tī <br />這粒細粒衛星面頂較大 ê、不祥 ê Herschel 隕石坑。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />影像：Cassini Imaging Team, SSI, JPL, ESA, NASA <br />音樂：PiSCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap210730.html <br /> <br/>Powered by <a href="https://firstory.me">Firstory Hosting</a></p>