#192 Fleming 三角精靈 ft. 阿錕 (20210727)

<p>Fleming 三角精靈 <br />https://apod.tw/daily/20210727/ <br /> <br />伊 ê 外形看起來亂糟糟。這个交纏 ê 雲絲是 ùi 衝擊波形成 ê 發光氣體。伊 to̍h tī 地球夜空 ê 天鵝座方向看會著，是 面紗星雲 ê <br />一部份。面紗星雲 是大型 ê 超新星殘骸，是大質量恆星死亡爆炸了後，產生 ê 一个脹大 ê 雲。Ùi 超新星爆炸來 ê 光 應該是 tī 5000 年前 <br />to̍h 行到地球矣。這个 發光 ê 雲絲 親像是 ùi 邊仔看著床單面頂長長 ê 皺痕。影像內底清楚看著發紅光 ê 離子化水素原子 kah 發藍光 ê <br />離子化酸素原子。面紗星雲 嘛叫做 天鵝環，編號是 NGC 6979，差不多是 月娘 視角 ê 6 倍大。這个雲煙差不多有 30 光年 長，估計伊到地球 ê <br />距離是 2400 光年遠。伊嘛叫做 Pickering 三角形，是 哈佛大學天文台 台長號 ê。伊閣有一个名，是用發現者 天文學家 Williamina <br />Fleming ê 名 kā 號 ê，to̍h 叫做 Fleming 三角精靈。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />影像：Anthony Saab <br />音樂：PiSCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap210727.html <br /> <br/>Powered by <a href="https://firstory.me">Firstory Hosting</a></p>