#184 M27：啞鐘星雲 ft. 阿錕 (20210712)

<p>M27：啞鐘星雲 <br />https://apod.tw/daily/20210712/ <br /> <br />咱 ê 太陽 紲落來會變做啥物？咱太陽 ê 未來，頭一个暗示 tī 1764 年 to̍h 有人無意中揣著矣。彼陣，Charles Messier <br />當咧編一个星表。內底是一寡 boăi kah 彗星相濫 ê 擴散天體。Messier 星表 內底第 27 个天體，叫做 M27 抑是啞鐘星雲。伊是一个 <br />行星形星雲，是天頂上光 ê 行星形星雲 之一。用雙筒望遠鏡 ùi 狐狸 ê 星座（狐狸座） ê 方向 to̍h 看會著。光線 ùi M27 到咱愛開 1000 <br />年 ê 時間。相片 內底 ê 色光是 ùi 水素 kah 酸素 來 ê。咱知影講，差不多閣 60 億年，咱 ê 太陽 to̍h 會 kā 伊 ê <br />氣體殼㧒出去，變做一粒行星形星雲，to̍h kah M27 仝款。中央賰 ê 部份，to̍h 會變做一粒會發出 X-光、燒燙燙 ê 白矮星。毋閣 tī 18 <br />世紀 ê 科學，猶無法度了解 M27 ê 物理 kah 重要性。To̍h 算是到今，行星形星雲 猶是 留足濟謎團 落來，包括 in 複雜 ê 形體 是 按怎 <br />產生 ê。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />影像：Bray Falls & Keith Quattrocchi <br />音樂：PiSCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap210712.html <br /> <br/>Powered by <a href="https://firstory.me">Firstory Hosting</a></p>