#183 M82：有星系風 ê 星爆星系 ft. 阿錕 (20210709)

<p>M82：有星系風 ê 星爆星系 <br />https://apod.tw/daily/20210709/ <br /> <br />M82 是一个有星系風 ê 星爆星系。實際上，M82 內底爆發 ê 恆星形成運動，有連紲 ê 超新星爆炸 kah 大質量恆星強力 ê <br />恆星風，才會產生這个巨型噴流。星系中心區 有星系風 ê 證據，to̍h tī 這个清楚 ê 望遠鏡速翕內底。這張組合影像 kā 原子氣體 ê <br />長噴流絲發射光，用紅色色調 kā 強調出來。星系風內底有一寡氣體，會 幫贊大質量恆星製造 重元素。這寡重元素，落尾會離開恆星，走入去 星際空間。M82 是因為 <br />kah 附近 ê 大 星系 M81 倚傷近，才變 kah 遮爾活潑。伊強烈 ê 恆星形成爆發階段，應該會連紲爆 1 億年左右。因為 M82 有搝長 ê <br />外形，才予伊又閣叫做大管薰星雲。伊 to̍h tī 大熊座 北爿邊仔附近 1200 萬光年遠 ê 所在。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />影像：Team ARO, Alentejo Remote Observatory <br />音樂：PiSCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap210709.html <br /> <br/>Powered by <a href="https://firstory.me">Firstory Hosting</a></p>