#172 水星 kah Da Vinci ê 光 ft. 蔡老師 (20210710)

<p>水星 kah Da Vinci ê 光 <br />https://apod.tw/daily/20210710/ <br /> <br />七月 8 號透早起床 ê 人，會當 tī 東爿地平線彼搭 ê 月娘附近看著水星。這張天光進前 ê 天景，是 彼工 tī Canary 群島 Tenerife 島 <br />ê Teide 國家公園翕 ê。內底有足光 ê 行星、月光暝 ê 暗淡月光、kah 太陽光反射 ê 新月。閣有一粒 會隨無去 ê 內行星，伊 tī <br />天頂一定袂離太陽傷遠，to̍h tī 天欲光彼陣發出伊上光 ê 光。伊是水星，這馬 to̍h chhāi tī 金牛座 Zeta 星（天關）ê 下跤，tī <br />天牛角 ê 尾仔。是講，月娘較暗淡 ê 光其實是 地光照 ê，是月球暗暝彼面反射地光來 ê。地光 ê 描述，500 年前 ê Leonardo da Vinci <br />to̍h 有寫過。伊是地球海洋反射太陽光，kā 月球烏暗 ê 表面照予光。前景 leh 等天光 ê 是 Teide 天文台 ê 太陽哨兵隊。這寡大型 ê <br />天文台圓厝頂 ùi 倒爿到正爿是，THEMIS，VTT，kah GREGOR 太陽望遠鏡。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />影像：Gabriel Funes <br />音樂：PiSCO - 鼎鼎 <br />聲優：蔡老師 <br />翻譯：An-Li Tsai (NCU) <br />原文：https://apod.nasa.gov/apod/ap210710.html <br /> <br/>Powered by <a href="https://firstory.me">Firstory Hosting</a></p>