#165 毅力號 kah 獨創號 ê 自翕 ft. 阿錕 (20210701)

<p>毅力號 kah 獨創號 ê 自翕 <br />https://apod.tw/daily/20210701/ <br /> <br />Tī 火星日第 46 工（2021 年 4 月 6 號），毅力號探測車 tī 火星伸出一支機器手骨自翕。Tī 手骨尾節 ê WATSON kha-mé-lah <br />是設計來翕火星岩石 kah 表面細節 ê 特寫，毋是欲來做 kah 朋友歡喜做伙 ê 速翕。落尾是需要 團隊合作 kah 幾若禮拜 ê 火星時間，來設計一系列 <br />ê 感光 kah kha-mé-lah ê 運動 來翕毅力號 kah 伊 ê 環境。這 62 張相片煞會當組合做一張真清楚 ê 拼鬥影像，是歷史上上複雜 ê <br />火星探測車自翕。Tī 這个版本 ê 自翕，探測車 ê Mastcam-Z kah SuperCam 儀器當 leh 看 WATSON kah 探測車伸長 ê <br />手骨。離毅力號差不多 4 公尺遠 ê 所在，有另外一台機器人，是 火星獨創號直升機。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />影像：NASA, JPL-Caltech, MSSS <br />音樂：PiSCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap210701.html <br /> <br/>Powered by <a href="https://firstory.me">Firstory Hosting</a></p>