1500$-ийн тэтгэлэг Шинэ Монгол Мабүчи Сан EPISODE #020

Оюутан болох цагаас л эхэлж бидний толгойд буудаг хамгийн эхний асуудал бол сургалтын төлбөрийн асуудал байдаг. Үүрэг хариуцлага нэмэгдэхийн зэрэгцээ аав ээжээсээ сургалтын төлбөрөө гаргуулахгүй өөрөө хөдөлмөрлөж төлөх эсвэл тэтгэлэг авах хүсэл бүх оюутан залууст төрдөг. Тиймээс их дээд сургууль, коллеж, коосены оюутнууд та бүхэнд Олон улсын Шинэ Монгол Мабүчи сангийн тухай хүргэж байна. Энэхүү сан нь жил бүр 41-н оюутан тус бүрд 1500-н ам долларын тэтгэлэг гардуулдаг ба хэддүгээр курсээсээ хамааран 3000-6000 ам долларын тэтгэлэг авах боломжтой юм. Мөн энэхүү сангийн тэтгэлэгт оюутнуудын хамгийн том давуу тал нь Японд сурч төгссөн нөхөрсөг, чадварлаг Ментортой болдог бөгөөд маш олон төрлийн хөгжлийн хөтөлбөртэй юм. Танд ч бас 1500$-ийн тэтгэлэг хэрэгтэй биз дээ? Тийм бол заавал сонсоорой.