1037. 金牛座分子雲 ft. 阿錕 (20231123)

<p>恆星形成區就親像是一支宇宙筅仔，利用內底 ê 發射線、塗粉、kah 烏暗星雲畫圖，畫出一張 星際畫布。這是一張 5 度闊 ê 望遠鏡拼鬥圖，這區包括 足光 ê 畢宿五以北 ê 區域，就 tī 金牛座分子雲 氣泡 ê 內底壁。相片倒爿下跤有 編號 Sh2-239 ê 發射線，可能是少年恆星藏 tī 遐。這區 ê Herbig-Haro 天體 (HH 天體)，是 kah 拄生出來 ê 恆星有關 ê 星雲，伊 ê 特徵是水素氣體受著衝擊產生 ê 紅色噴射流。金牛座 T 星 ê 正爿頂懸，是 金牛座 T 型變星 ê 原形。伊 ê 邊仔是一个黃色星雲，歷史上 kā 叫做 Hind 變光星雲 (NGC 1555)。金牛座 T 星這馬去 hŏng 認為是一粒少年、猶無夠幾若百萬歲 ê 類太陽恆星，猶 tī lih 恆星形成 ê 早期階段。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20231123/ <br />影像：Yuexiao Shen, Joe Hua <br />音樂：P!SCO - 鼎鼎 <br />聲優：阿錕 <br />翻譯：An-Li Tsai (NSYSU) <br />原文：https://apod.nasa.gov/apod/ap231123.html</p> <br /> <br/>Powered by <a href="https://firstory.me">Firstory Hosting</a>