1015. Encke 彗星 kah 肚胿仔星雲 ft. 阿綠 (20231027)

<p>人類歷史上知影 ê 第二粒彗星是 Encke 彗星，編號 2P/Encke。Encke 彗星飛到 內太陽系 ê 時陣，伊就 ùi 木星軌道以內 ê 遠日點，行到金星軌道以內 ê 近日點。伊每 3.3 年會轉來近日點一擺，是 太陽系內底週期上短 ê 主要彗星。Encke 彗星 上無 kah 地球 ê 2 个逐年攏會拄著 ê 流星雨有關係，北金牛座流星雨 kah 南金牛座流星雨。2 个流星雨 ê 活跳期出現 tī 10 月底 kah 11 月初。In 2 个 ê 輻射點分別 tī 頭足大粒 ê 金牛座 內底 較光 ê 星，畢宿五附近。這張 tī 8 月 24 翕--ê 望遠鏡景色 有翕著暗暗 ê Encke 彗星。伊美麗 ê 青色彗鬚 tī 天頂行到 發射星雲 IC 410 內底 ê 少年星團 kah 幾若光年長 ê 肚胿仔形 恆星形成雲 附近。5 工前 ê 10 月 22，伊拄經過近日點，這馬行到室女座內底一粒足光 ê 角宿一附近矣。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20231027/ <br />影像：Dan Bartlett <br />音樂：P!SCO - 鼎鼎 <br />聲優：阿綠 <br />翻譯：An-Li Tsai (NSYSU) <br />原文：https://apod.nasa.gov/apod/ap231027.html</p> <br /> <br/>Powered by <a href="https://firstory.me">Firstory Hosting</a>