1000. La Palma 天文台 天頂 ê 銀河 ft. 阿綠 (20230718)

<p>夜空是發生啥物代誌？為著欲 揣出 這个答案，全球 ê 天文望遠鏡攏 看 tùi 深空去。探索 ê 目標包括欲了解 早期宇宙，搜揣追蹤會威脅地球 ê 小行星、揣 有外星性命 ê 系外行星、kah 監看恆星 來幫贊咱閣較了解咱 ê 太陽。這張組合影像 ê 前景 kah 背景是 4 月 ê 時陣 tī 西班牙 Canary 群島 ê La Palma 島 翕--ê。相片內底有幾若个 Roque de los Muchachos 天文台 ê 天文望遠鏡，背景是烏暗 ê 夜空。前景 ê 望遠鏡，ùi 倒爿到正爿是 Magic 1, Galileo, Magic 2, Gran Canarian, kah LST。背景 ê 天色 較 hŏng 注意--ê，是 銀河系 ê 中央帶、人馬座、蛇夫座 kah 天蝎座、發紅光 ê 鴟鴞星雲 kah 內海仔星雲、閣有 天淵三 kah 心宿二。因為有 這寡天文台，人類 才有法度 tī 過去 100 冬內，tùi 咱 夜空 ê 了解，比 人類過去 tùi 宇宙 ê 了解閣較濟。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20230718/ <br />影像：Marcin Rosadziński <br />音樂：P!SCO - 鼎鼎 <br />聲優：阿綠 <br />翻譯：An-Li Tsai (NSYSU) <br />原文：https://apod.nasa.gov/apod/ap230718.html</p> <br /> <br/>Powered by <a href="https://firstory.me">Firstory Hosting</a>